პროგრამა „კომპასი 2.0.“-ის თემატური შინაარსი

გაკვეთილი 1. მოგესალმებით პროგრამაში

გაკვეთილი 2. ვინ ახდენს გავლენას ჩემს გადაწყვეტილებებზე?

• მოსწავლეებისათვის ახსნა თუ რა გავლენას ახდენენ მათ ქცევასა და გადაწყვეტილებებზე სხვადასხვა სოციალური ჯგუფები;
• ცოდნის მიწოდება ზეწოლის ფენომენისა და იმ მიზეზების შესახებ რომელთა გამოც ადამიანები სხვათა გავლენებს ემორჩილებიან;
• თანატოლების ნეგატიური ზეწოლის გამოცნობის უნარის განვითარება, ზეწოლის განმახორციელებელი პირების ჭეშმარიტი ზრახვების გამოცნობის უნარის განვითარება.

გაკვეთილი 3. უფლება მაქვს ვთქვა „არა“

• ფსიქოლოგიურ მოთხოვნილებებს, თანატოლთა ზეწოლას და სარისკო ქცევების განხორციელებას შორის არსებული კავშირის შესწავლა;
• მოსწავლეებისთვის იმის ახსნა რომ ზეწოლის განხორციელების სიტუაციაში მათ უარის თქმის უფლება აქვთ;
• მოსწავლეებისთვის სხვადასხვა ფორმით უარის თქმის შესაძლო შედეგების გაცნობა;
• მოსწავლეებისათვის ასერტიული უარის თქმის მეთოდის გაცნობა.

გაკვეთილი 4. ვინ მითრევს და რაში?

• მოსწავლეებისთვის იმის ახსნა თუ რა ფორმით ახდენენ მათზე გავლენას მედია-საშუალებები და თამბაქოსა და ალკოჰოლის მწარმოებელი კომპანიები;
• მოსწავლეებისთვის ახსნა თუ რა ფორმით გამოიყენება რეკლამა და მარკეტინგული ტექნოლოგიები ალკოჰოლისა და თამბაქოს მწარმოებელი კონცერნების მიერ იმ მიზნით რომ პოტენციურ კლიენტებამდე მიაღწიონ, განსაკუთრებით კი ახალგაზრდებამდე;
• მოსწავლეებისათვის იმ მეთოდების გაცნობა რა მეთოდებითაც ცდილობს ალკოჰოლური და თამბაქოს ინდუსტრია ფსიქოაქტიური ნივთიერებების მოხმარების რეალური შედეგების დამალვას;
• მოსწავლეების აღჭურვა იმის უნარით რომ გამოიცნონ ალკოჰოლური და თამბაქოს პროდუქციის მწარმოებელი კომპანიების მიერ განხორციელებული სარეკლამო მანიპულაციები და კრიტიკულად შეაფასონ მედია-საშუალებების მიერ მოწოდებული გზავნილები.

გაკვეთილი 5. გავუგოთ უფროსებს

• გაგება იმ გაღიზიანებისა რომელიც ბავშვად ყოფნას ახლავს თან, აგრეთვე იმ იმ გაღიზიანებისა რომელიც ზრდასრულებს ახასიათებთ (მშობლებს/მეურვეებს);
• მოსწავლეებში ისეთი უნარის განვითარება რომ მათ შეძლონ სხვადასხვა სიტუაციების შეფასება სხვა ადამიანების თვალთახედვიდან;
• მოსწავლეების წახალისება რომ ისინი გაგებით/ემპათიით მიუდგნენ იმას რასაც რასაც უფროსები ამბობენ და აკეთებენ, კერძოდ კი მშობლები/მეურვეები;
• პოზიტიური კავშირების გაძლიერება მოსწავლეებსა და მათ მშობლებს/მეურვეებს შორის.

გაკვეთილი 6. ფსიქოაქტიური ნივთიერებების მოხმარება – ფაქტები და მითები

• ფსიქოაქტიური ნივთიერებების მოხმარების საწინააღმდეგო ნორმების ჩამოყალიბება და გაძლიერება;
• მოსწავლეებისათვის ცოდნის მიწოდება ახალგაზრდებს შორის ფსიქოაქტიური ნივთიერებების მოხმარების გავრცელებულობის რეალური მასშტაბების შესახებ;
• მოსწავლეებისთვის იმის ახსნა და რწმენის გამყარება რომ მოზარდების ჯგუფში ნორმას არ წარმოადგენს ფსიქოაქტიური ნივთიერებების მოხმარება;
• მოსწავლეთა ყურადღების მიპყრობა იმაზე რომ აუცილებელია ხელმისაწვდომი საინფორმაციო წყაროების კრიტიკული შეფასება.

გაკვეთილი 7. მცირე და დიდი პრობლემები

• მოსწავლეებში პრობლემების კონსტრუქციულად გადაჭრის უნარის გამომუშავება;
• პრობლემის ხელახალი გააზრებისა და მისი მრავალი პერსპექტივიდან დანახვის უნარის გამომუშავება;
• მოსწავლეებში პრობლემის გადაჭრის სხვადასხვა გზების ძიების უნარის გამომუშავება;
• მოსწავლეთათვის პრობლემების გადაჭრის პროცესის გაცნობა.

გაკვეთილი 8. მშობლებთან შეხვედრის მომზადება – ნაწილი 1

• მოსწავლეებთან ერთად პროგრამის საფინალო შეხვედრის მომზადება;
• მონაწილეთა ინტეგრაცია (მოსწავლეები, მშობლები, მასწავლებლები და სხვა მოწვეული სტუმრები) ერთობლივ, კარგ თამაშში მონაწილეობის გზით;
• პროგრამის შინაარსის გამყარება.

მოსწავლეების, მშობლების, მასწავლებლების და სხვა მოწვეული სტუმრების მონაწილეობით ჩატარებული დასკვნითი შეხვედრა პროგრამის საკვანძო ელემენტია. ეს შეხვედრა არა მხოლოდ ამთავრებს პროგრამას, არამედ წარმოადგენს ერთგვარ „ხიდს“ კლასში განხორციელებულ აქტივობებსა და მოსწავლეების მიერ მშობლებთან ერთად შესრულებულ საშინაო დავალებებს შორის.

გაკვეთილი 9. როდესაც ვიღაცას დახმარება სჭირდება

• მოსწავლეებისათვის თანამშრომლობისა და ურთიერთდახმარების მნიშვნელობის ახსნა;
• მოსწავლეებისთვის იმის ახსნა რომ რთულ მომენტებში დახმარების ძიება და მისით სარგებლობა სიძლიერის მაჩვენებელია და არა სისუსტის;
• ცოდნის მიწოდება იმის შესახებ თუ სად შეიძლება დახმარების ძიება რთულ სიტუაციაში.

გაკვეთილი 10. მშობლებთან შეხვედრის მომზადება – ნაწილი 2

• დასკვნით შეხვედრაზე წარსადგენი თამაშებისა და პრეზენტაციების კიდევ ერთხელ გადამეორება;
• დარწმუნება იმაში რომ ყველაფერი კარგადაა მომზადებული.

მოსწავლეებისა და მშობლების დასკვნითი შეხვედრა

• პროგრამის დასასრულს მოსწავლეები პროგრამის წამყვანთან ერთად მოაწყობენ შეხვედრას რომელზეც მოწვეული იქნება ყველა მშობელი/მეურვე და ასევე სკოლის ხელმძღვანელობა. შეხვედრის დროს მოსწავლეები წარმოადგენენ თავიანთ პრეზენტაციებს პროგრამა „კომპასი 2.0“-თან დაკავშირებულ თემებზე
• მოსწავლეები სტუმრებისათვის აგრეთვე მოამზადებენ მცირე ფურშეტს და სხვა საინტერესო აქტივობებს.